 |
|
| Menù Poesie & Poeti |
|
|
|
|
| Partner |
|
|
|
|
|
|
TORPEDO, poesia di CLAUDIO CLAUDIANO
|
|
|
|
|
TORPEDO
Quis non indomitam dirae torpedinis artem
audiit et merito signatas nomine uires?
illa quidem mollis segnique obnoxia tractu
reptat et adtritis uix languida serpit harenis.
sed latus armauit gelido natura ueneno
et frigus, quo cuncta rigent animata, medullis
miscuit et proprias hiemes per uiscera duxit.
naturam iuuat ipsa dolis et conscia sortis
utitur ingenio longeque extenta per algas
attactu confisa suo [[[]][[[]][[[]][]][]]immobilis haeret[[[]][]][]]
qui tetigere iacent. successu laeta resurgit
et uiuos inpune ferox depascitur artus.
si quando uestita cibis incautior aera
hauserit et curuis frenari senserit hamis,
non fugit aut uano conatur uellere morsu,
sed propius nigrae iungit se callida saetae
et meminit captiua sui longeque per undas
pigra uenenatis effundit flamina uenis.
per saetam uis atra meat fluctusque relinquit,
absentem uinctura uirum: metuendus ab imis
emicat horror aquis et pendula fila secutus
transit harundineos arcano frigore nodos
uictricemque ligat concreto sanguine dextram.
damnosum piscator onus praedamque rebellem
iactat et amissa redit exarmatus auena.
Claudio Claudiano
|
|
|
|
 I vostri commenti alla poesia: TORPEDO
|
Al momento non ci sono commenti, lascia tu il primo!
|
|
Lascia un commento... |
|
|
|
|
|
|
|
|
|
@ApoftegmaIT
